nasin ni li seme? - AlbeyAmakiir/tenpo GitHub Wiki
tan
mi kepeken nasin tenpo pi jan ante:
- nasin pi tenpo sike tan jan u/pisceyo
- nimi mun tan jan u/neonpixii
- en nasin pi tenpo suno tan mi (jan Api).
nasin wile pi ilo ni li ni:
- tan ale nasin tenpo ante
- kepeken ala e nanpa lili e nanpa mute (insa ilo ni li wile e ona. taso, selo ilo ni li jo ala.)
- pilin pona tawa jan kepeken (sama tawa jan pi ilo mute ala)
tenpo sike
tenpo ni li tenpo pi mun en suno. "tenpo suno" li kepeken e tawa mun lili e tawa suno. "tenpo mun" li kepeken e lukin mun. "tenpo sike" li kepeken e sike pi mun ni lon suno.
- sewi suno li luka e ma sike, li weka la, tenpo suno ni li pini. tenpo ni li ante lili lon tenpo suno ante.
- tenpo mun nanpa wan li jo e tenpo suno 29 (mute luka tu tu). tenpo mun nanpa tu li jo e tenpo suno 30 (mute luka luka). tenpo mun kama li sama. 29, 30, 29, 30... taso, tenpo mun nanpa 13 (luka luka tu wan) li jo e tenpo suno 30 kin. mun ale li len la, tenpo mun sin li open.
- tenpo sike li jo e tenpo mun 12 (luka luka tu). taso, tenpo sike tu wan li jo e tenpo mun nanpa 13. nasin pi tenpo sike luka tu wan li: 12, 13, 12, 12, 13, 12, 13, 12. (o toki insa e ni: "wan, namako, wan, tu, namako, wan, namako, wan")
- o sitelen jo nimi lili suli e nimi pi tenpo mun. sitelen "mun telo" li pona ala. sitelen "mun Telo" li pona. nimi pi tenpo mun li:
| sike 29 | sike 30 |
|---|---|
| mun Wan | mun Kon |
| mun Seli | mun Ma |
| mun Telo | mun Mama |
| mun Kasi | mun Pipi |
| mun Kala | mun Akesi |
| mun Waso | mun Soweli |
| mun Namako |
- tenpo suno nanpa wan li:
tenpo sike ala, tenpo mun Wan, tenpo suno wan. - jan u/pisceyo li toki e ni: tenpo suno wan li lon tenpo sike Kekolijan (Gregorian) 2001 li lon tenpo pi suno en pimeja sama. jan ante li toki e ni: tenpo ni li "2001/03/27". taso, tenpo ona li sama ala. kin la, tenpo ona li jo ala e mun len. tan ni la, mi alasa e tenpo pona. mi kama sona e tenpo ni: ma pi pini pi tenpo suno 2001/03/25 01:21:37 UTC+0. ma ante li kepeken e pini pi tenpo suno lon poka tenpo ona.
- tenpo ni li tenpo suno pini lon nanpa ma (0°N, -107.99°W). tan ni la, linja tenpo pi ma ale li lon +72.01°E.
- tenpo sike 152 (19 pi tenpo sike luka tu wan) la, tenpo suno pi tenpo pi toki pona li ante 1.18674 tawa tenpo pi suno en pimeja sama.
tenpo suno
open la, mi pilin e ni: tenpo kipisi suno ante li pona.
- tenpo pimeja li nanpa wan. tenpo suno li nanpa tu. ona tu li jo e tenpo kipisi luka wan.
- tenpo pimeja tu wan li tan e len suli:
- pimeja pana
- pimeja len
- pimeja weka
- tenpo suno tu wan li tan e tawa suno:
- suno kama
- suno awen
- suno tawa
- tenpo ante la, suli tenpo suno en tenpo pimeja li ante. ona lon ma pi linja suno poka ala li ante suli.
- tenpo mute la, lon palisa wawa poka pi ma ale la, tenpo pimeja anu tenpo suno li ken weka. nasin tenpo ante kin li pakala lon ma ona. jan lon ma ona li wile e tenpo pona tawa ona. mi wile e ni: ilo ni li pona tawa jan ona kin.